ساہیوال میں ڈکیتی: ملزمان 3 کروڑ مالیت کے زیورات، نقدی، موبائل فونز لوٹ کر فرار
ساہیوال کے علاقے محلہ تلیانوالہ میں ڈاکو گھر سے 3 کروڑ روپے مالیت کے زیورات، نقدی اور موبائل فونز لوٹ کر فرار ہوگئے ہیں۔
ڈان نیوز کے مطابق پولیس نے بتایا ہے کہ ڈاکوؤں نے 140 تولہ زیورات،7 لاکھ نقدی، ایک گھڑی اور موبائل فونز لوٹ لیے، واردات کے دوران ملزمان نے گھر کے اندر میاں، بیوی کو رسیوں سے باندھ کر کمرے میں بند کردیا تھا۔
پولیس کا کہنا تھا کہ واردات میں 2 خواتین بھی ملوث ہیں، ان خواتین کو گھر والوں نے 5 روز قبل ہی ملازمت پر رکھا تھا۔
پولیس نے مزید بتایا کہ واقعے کا مقدمہ درج کرکے ملزمان کی تلاش شروع کردی ہے۔
لائیو ٹی وی