اتوار اور پیر کی درمیانی شب دنیا کے کئی ممالک میں معمول سے کافی بڑا اور سرخ رنگ کا مکمل چاند ’جسے بلڈ مون کا نام بھی دیکا گیا‘ نظر آیا۔

یہ انوکھا نظارہ اس وقت دیکھنے میں آیا جب زمین، سورج اور چاند اپنے مدار میں رہتے ہوئے ایک سیدھی لکیر میں سامنے آگئے جن میں زمین درمیان میں جبکہ چاند اور سورج زمین کے آگے پیچھے آگئے تھے.

امریکا، یورپ، افریقہ، مغربی ایشیا اور مشرقی بحر الکاہل اور دوسرے ممالک کی ان تصاویر میں چاند کو مکمل گرہن لگتے دکھایا گیا ہے.

بعض لوگ سرخ رنگ کے چاند کو دنیا کے خاتمے اور حضرت عیسیٰ علیہ السلام کے ظہور کی نشانی قرار دیتے ہیں جبکہ اہل یہود اس نظارے کو دنیا کی بادشاہت حاصل ہونے کی علامت سمجھتے ہیں.

زمین سے فاصلہ کم سے کم ہونے کے باعث چاند کا رنگ پہلے نارنجی سے کتھئی اور پھر سرخ ہوا، اس موقع پر چاند معمول سے تیس فیصد بڑا نظر آیا جبکہ اس کی روشنی 14 فیصد سے زائد رہی.

امریکی خلائی ایجنسی ناسا کے مطابق سپر مون اور چاند گرہن کا یہ نظارہ اب 2033 میں دیکھا جاسکے گا.