آئی فون اسکرین کی نیچے دی گئی تصویر نے لوگوں کو دیوانہ بنا کر رکھ دیا ہے۔

فیس بک پر اس تصویر کو اس کیپشن کے ساتھ پوسٹ کیا گیا ' آپ کو اس میں کتنے 3 نظر آرہے ہیں؟ مجھے پورا یقین ہے کہ کوئی بھی درست جواب نہیں دے سکے گا'۔

اور ایسا ہی نظر آتا ہے کہ اس تصویر نے واقعی لوگوں کو ذہنی طور پر الجھا کر رکھ دیا ہے۔

اب تک اس تصویر پر ڈیڑھ لاکھ کے قریب کمنٹ کیے جاچکے ہیں اور شیئرز کی تو کوئی حد نہیں۔

لوگوں کو اس کا جواب سمجھ نہیں آسکا اور وہ پوسٹ کرنے والے سے اس کے جواب کا مطالبہ کررہے ہیں۔

کچھ لوگوں کو تو اپنے جواب پر پورا یقین ہے اور دیگر کے خیال میں اس میں موجود ڈاٹ یا نقطوں کو بھی گنا جانا چاہئے۔

آپ کے خیال میں صحیح جواب کیا ہے؟

درحقیقت لوگوں میں الجھن اس لیے بڑھی ہے کہ کم از کم دو جگہ 3 کو کی پیڈ میں غیرمتوقع جگہوں پر رکھ دیا گیا ہے جیسے 8 کی جگہ اور i کو بھی 3 سے بدل دیا گیا ہے۔

اور ہاں ہم نے اس میں 19 جگہ پر 3 کو ریکارڈ کیا ہے اور ممکنہ طور پر یہ صحیح جواب بھی ہے۔

آپ موبائل فون صارف ہیں؟ تو باخبر رہنے کیلئے ڈان نیوز کی فری انڈرائیڈ ایپ ڈاؤن لوڈ کریں۔