سری لنکا اور جنوبی افریقہ کے درمیان میچ میں مکھیوں کا حملہ
سری لنکا اور جنوبی افریقہ کے درمیان میچ میں اس وقت عجیب و غریب صورتحال پیدا ہو گئی جب میچ کے دوران مکھیوں نے دھاوا بول دیا۔
چیسٹر لی اسٹریٹ میں کھیلے گئے میچ میں جنوبی افریقہ نے ٹاس جیت کر سری لنکا کو بیٹنگ کی دعوت دی اور سری لنکا کی ٹیم میچ میں مشکلات سے دوچار رہی۔
سری لنکن اننگز کے اختتامی لمحات میں اس وقت عجیب و غریب صورتحال ہو گئی جب مکھیوں کے غول نے میدان میں دھاوا بول دیا۔
اس موقع پر میدان میں موجود دونوں ٹیموں کے کھلاڑی اور امپائرز خود کو بچانے کے لیے زمین پر لیٹ گئے اور اس صورتحال پر اسٹیڈیم میں بیٹھے شائقین خوب محظوظ ہوئے۔
میچ کے 48ویں اوور میں پیش آنے والے اس واقعے کے سبب کھیل کچھ لمحوں کے لیے روک دیا گیا تاہم مکھیوں کے جاتے ہی کھیل کو دوبارہ شروع کردیا گیا۔
سری لنکا کی ٹیم پہلے کھیلتے ہوئے 203رنز بنا کر آؤٹ ہو گئی۔
لائیو ٹی وی
تبصرے (1) بند ہیں