حسن اور فہیم انجری کے سبب آسٹریلیا کیخلاف پہلے ٹیسٹ میچ سے باہر
قومی ٹیم کے آل راؤنڈر فہیم اشرف اور فاسٹ باؤلر حسن علی انجری کا شکار ہو کر آسٹریلیا کے خلاف سیریز سے باہر ہو گئے ہیں اور ان کی جگہ افتخار احمد اور آل راؤنڈر وسیم جونیئر کو قومی اسکواڈ کا حصہ بنا لیا گیا ہے۔
دونوں کھلاڑی آج رات اسلام آباد پہنچ جائیں گے جہاں انہیں تین روز کی آئیسولیشن مکمل کرنے کے بعد قومی ٹیسٹ اسکواڈ کو جوائن کرنے کی اجازت ہو گی۔
مزید پڑھیں: آسٹریلوی کرکٹ ٹیم 24 سال بعد پاکستان پہنچ گئی
فہیم اشرف اور حسن علی پاکستان سپر لیگ کے دوران انجری کا شکار ہوئے تھے اور اگلے ہفتے اسکواڈ کو جوائن کریں گے۔
ان دونوں کھلاڑیوں کو بھی اسکواڈ جوائن کرنے کے لیے تین روزہ آئیسولیشن مکمل کرنا ہوگی اور ممکنہ طور پر دسرے ٹیسٹ میچ سے قبل دونوں فٹ ہوجائیں گے۔
واضح رہے کہ تین ٹیسٹ، تین ون ڈے اور ایک ٹی20 میچ کی سیریز کے لیے آسٹریلیا کی ٹیم آج پاکستان پہنچی ہے۔
یہ بھی پڑھیں: پیٹ کمنز کا دورہ پاکستان کیلئے سیکیورٹی انتظامات پر اظہار اطمینان
پاکستان اور آسٹریلیا کے درمیان سیریز کا پہلا ٹیسٹ میچ 4 مارچ سے راولپنڈی میں کھیلا جائے گا جبکہ دونوں ٹیموں کے درمیان دوسرا اور تیسرا میچ لاہور اور کراچی میں کھیلا جائے گا۔
آسٹریلیا کے خلاف سیریز کے پہلے ٹیسٹ میچ کے لیے پاکستان کا اسکواڈ ان کھلاڑیوں پر مشتمل ہے۔
بابر اعظم (کپتان)، محمد رضوان (نائب کپتان)، عبداللہ شفیق، اظہر علی، فواد عالم، حارث رؤف، افتخار احمد، امام الحق، محمد وسیم جونیئر، نعمان علی، ساجد خان، سعود شکیل، شاہین شاہ آفریدی، شان مسعود اور زاہد محمود۔
لائیو ٹی وی