بلوچستان: این اے 253 اور پی بی 9 کے 7 پولنگ اسٹیشنوں پر ری پولنگ
بلوچستان کے ضلع کوہلو کے قومی اسمبلی کے حلقہ این اے 253 اور پی بی 9 کے 7 پولنگ اسٹیشنوں پر ری پولنگ ہوئی۔
’ڈان نیوز ’ کے مطابق ضلع کوہلو کے این اے 253 اور پی بی 9 کے 7 پولنگ اسٹیشنوں پر ری پولنگ کا عمل صبح 8 بجے شروع ہوا جو بغیر کسی وقفے کے شام 5 بجے تک جاری رہا۔
دونوں حلقوں میں 8 ہزار 2 سو 63 رجسٹرڈ ووٹرز تھے، حلقے کے تمام 7 پولنگ اسٹیشنوں کو انتہائی احساس قرار دیا گیا ہے۔
تمام پولنگ اسٹشنز پر سیکیورٹی کے سخت انتظامات کیے گئے، سیکیورٹی خدشات کے باعث 8 فروری کو ان سات پولنگ اسٹیشنز پر پولنگ کا عمل نہ ہوسکا تھا۔
این اے 253 سے آزاد امیدوار میاں خان بگٹی جبکہ پی بی 9 سے پیپلزپارٹی کے میر نصیب اللہ مری کامیاب ہوئے تھے۔
لائیو ٹی وی