ورون دھون اور نتاشا دلال کے ہاں پہلے بچے کی آمد جلد متوقع
بولی وڈ کے نامور اداکار ورون دھون اور اہلیہ نتاشا دلال کے ہاں شادی کے تین سال بعد پہلے بچے کی پیدائش جلد متوقع ہے۔
ورون دھون نے انسٹاگرام کے ذریعے اپنے مداحوں کو اس خوشی کی خبر کے بارے میں آگاہ کیا، جہاں اُنہوں نے اپنی اہلیہ نتاشا کے ہمراہ لی گئی تصویر بھی پوسٹ کی۔
مذکورہ تصویر ورون دھون اور نتاشا دلال کے نئے فوٹو شوٹ کی ہے جوکہ اکثر جوڑے اپنے بچے کی پیدائش سے قبل کرواتے ہیں۔
اداکار نے تصویر کے کیپشن میں لکھا کہ ’وی آر پریگننٹ‘ اور ساتھ ہی دعاؤں کی درخواست کی۔
ورون دھون کی جانب سے خوشخبری کا اعلان کرنے پر بولی وڈ کی نامور شخصیات نے جوڑے کو مبارک باد کے پیغامات بھیجے۔
ابھیشیک بچن، ثانیہ مرزا، کرینہ کپور، پریانکا چوپڑا، سدھارت نگھم، کرن جوہر، عالیہ بھٹ، ارجن کپور اور دیگر شخصیات نے نیک خواہشات کا اظہار کرتےہوئے مبارک باد کے پیغامات لکھے۔
یاد رہے کہ 24 جنوری 2021 کو ورون دھون نے اپنی گرل فرینڈ نتاشا دلال سے شادی کی تھی، کوڈ-19 وبا کی وجہ سے شادی کی تقریب میں کم مہمانوں کو مدعو کیا گیا۔
لائیو ٹی وی