اسٹیبلشمنٹ سے بات چیت ہوتی رہتی ہے، کسی فیصلہ کن مرحلے تک نہیں پہنچے، علی امین گنڈا پور
خیبرپختونخوا کے وزیراعلیٰ علی امین گنڈا پور نے کہا ہے کہ اسٹیبلشمنٹ سے رابطے ہوتے ہیں، بات چیت ہوتی رہتی ہے لیکن ابھی فیصلہ کن مرحلے تک نہیں پہنچے۔
اڈیالہ جیل راولپنڈی کے باہر میڈیا سے گفتگو کرتے ہوئے کہا کہ ہماری غلطی ثابت ہوئی تو معافی مانگنے کو تیار ہوں، 9 مئی واقعات کے ہم ذمہ دار نہیں تو ہم سے کون معافی مانگے گا۔
علی امین گنڈا پور نے کہا کہ آئین کی بالادستی اور حقیقی آزادی کے لیے قوم کھڑی رہے گی، ہماری خواتین اب بھی جیلوں میں ہیں۔
وزیراعلیٰ خیبرپختونخوا نے کہا کہ بانی پی ٹی آئی نے کہا ہمارے مینڈیٹ کو چھینا گیا ہے۔
ان کا کہنا تھا کہ ہمارا سوشل میڈیا مجھ پر بھی تنقید کرتا ہے اس کا مطلب یہ نہیں کہ میں اس سے اظہار لاتعلقی کردوں۔
انہوں نے کہا کہ شیر افضل مروت کو نوٹسز عمران خان کی ہدایت پر دیے گئے، ہم پارٹی کے اندر یہ معاملات حل کرلیں گے۔
وزیر اعلیٰ خیبر پختونخوا نے کہا کہ مذاکرات اور بات چیت ہوتی رہتی ہے لیکن وہ ابھی فیصلہ کن مرحلے تک نہیں پہنچے۔
لائیو ٹی وی