معمر رانا کی لڑ کھڑانے اور دوسروں کے سہارے چلنے کی ویڈیو وائرل
ماضی کے مقبول فلمی ہیرو معمر رانا کی چلتے ہوئے لڑ کھڑانے، صحیح انداز میں کھڑے نہ ہوپانے اور دوسروں کی مدد سے چلنے کی ویڈیو سوشل میڈیا پر وائرل ہوگئی۔
سوشل میڈیا پر وائرل مختصر ویڈیو میں معمر رانا کو متعدد افراد سہارا دیتے دکھائی دیے۔
ویڈیو میں معمر رانا خاموش دکھائی دیتے ہیں، لوگوں کے سہارے کے باوجود اداکار کو لڑ کھڑاتے دیکھا جا سکتا ہے۔
ویڈیو میں دیکھا جا سکتا ہے کہ اداکار اپنا توازن برقرار نہیں رکھ پاتے اور نہ ہی وہ کچھ دیر تک درست انداز میں خاموش کھڑے رہنے کے قابل دکھائی دیتے ہیں۔
انہیں لڑ کھڑاتے، دوسروں کے سہارے بڑی مشکل سے چلتے دیکھا جا سکتا ہے، اداکار کو متعدد افراد سنبھالتے دکھائی دیتے ہیں۔
واضح نہیں ہے کہ اداکار کی ایسی حالت کیسے ہوئی؟ تاہم ان کی ویڈیو وائرل ہونے کے بعد سوشل میڈیا صارفین نے ان پر شراب نوشی کا الزام عائد کیا۔
زیادہ تر افراد نے اپنے تبصروں میں دعویٰ کیا کہ معمر رانا نے زیادہ شراب نوشی کرلی، جس وجہ سے وہ اپنا توازن برقرار نہیں رکھ پا رہے۔
معمر رانا کی لڑ کھڑانے اور دوسروں کے سہارے چلنے کی ویڈیو سوشل میڈیا پر وائرل ہوگئی اور مداحوں نے اداکار کو آڑے ہاتھوں لیتے ہوئے ان پر سنگین الزامات عائد کیے اور ان کے لیے نامناسب الفاظ کا استعمال بھی کیا۔
اپنے لڑ کھڑانے اور لوگوں کے سہارے چلنے کی ویڈیو وائرل ہونے پر تاحال معمر رانا کا کوئی رد عمل سامنے نہیں آیا جب کہ سوشل میڈیا صارفین ان پر نشے کا الزام لگاتے دکھائی دیتے ہیں۔
لائیو ٹی وی