صدقہ فطر اور فدیہ صوم کتنا ہوگا؟ اسلامی نظریاتی کونسل نے اعلان کردیا
اسلامی نظریاتی کونسل کی جانب سے رواں سال رمضان المبارک کے لیے صدقہ فطر اور فدیہ صوم کم از کم 220 روپے فی کس مقرر کیا گیا ہے۔
ڈان نیوز کے مطابق رواں سال رمضان المبارک کے لیے صدقہ فطر اور فدیہ صوم کا نصاب جاری کردیا گیا۔
چیئرمین اسلامی نظریاتی کونسل ڈاکٹر راغب نعیمی کے مطابق رواں سال صدقہ فطر وفدیہ صوم کم ازکم 220 روپے فی کس ادا کیا جائے۔
ڈاکٹرراغب نعیمی نے بتایا کہ گندم کے حساب سے 220 روپے، جو 450 اور کھجور کے حساب سے 1650 روپے صدقہ فطر اور فدیہ صوم ادا کیا جائے۔
ڈاکٹر راغب نعیمی کا کہنا تھا کہ کشمش 2500 اور منقیٰ کے حساب سے 5 ہزار روپے صدقہ فطر اور فدیہ صوم ادا کرنا ہوگا۔
چیئرمین اسلامی نظریاتی کونسل نے مزید کہا کہ مخیر حضرات مالی حیثیت کے مطابق صدقہ فطر اور فدیہ صوم ادا کریں جب کہ صدقہ فطر ادا کرنا ہر غلام اور آزاد، مرد اور عورت مسلمان پر واجب ہے۔
علاوہ ازیں، رمضان المبارک کاچاند دیکھنے کے لیے رویت ہلال کمیٹی کا اجلاس 28 فروری کو ہوگا۔
لائیو ٹی وی