دس عادات جو بنا دیں وقت کو آپ کا غلام

سعدیہ امین

---

وقت ایسی دولت ہے جو ایک بار ہاتھ سے نکل جائے تو واپس نہیں آسکتی۔ دن میں 24 اور ہفتے میں 168گھنٹے ہوتے ہیں اور یہ نمبر کبھی تبدیل نہیں ہوسکتے ہیں، آپ بس یہ کرسکتے ہیں کہ اس وقت کو زیادہ موثر اور دانشمندی سے استعمال کریں۔

تو ایسی عادتیں اپنائے جن کے ذریعے آپ قیمتی وقت کو بچانے میں کامیاب ہوسکیں۔

یہ جانے کہ آپ اپنا وقت کس طرح خرچ کررہے ہیں

ایک ہفتے تک دیکھیں کہ آپ اپنا وقت کس طرح صرف کرتے ہیں، اکثر افراد اس بات سے مکمل طور پر بے خبر ہوتے ہیں کہ وہ اپنا وقت کس طرح گزار رہے ہوتے ہیں۔ یہ سادہ سی مشق بہت موثر ثابت ہوتی ہے اور آپ کو بے مقصد کاموں سے نجات دلانے میں مددگار بھی ثابت ہوتی ہے۔

یہ طے کریں کہ کون سے کام اور سرگرمیاں ضروری ہیں

اپنے ضروری کاموں اور سرگرمیوں کا شیڈول مرتب کریں جس میں انہیں پہلے کرنے کو ترجیح دی جائے۔ کیونکہ دن کے آغاز میں ہی آپ زیادہ تازہ دم اور توانائی سے بھرپور ہوتے ہیں، کم ضروری کام فارغ اوقات میں کرنے کی عادت ڈالیں کیونکہ غیرضروری کاموں کو کرنا کافی آسان ثابت ہوتا ہے۔

اپنے معمول سے 15 منٹ پہلے بیدار ہونا

اس طرح آپ کو پورے ہفتے میں اپنے لئے مزید 75 منٹ مل سکیں گے، جبکہ صبح کا وقت ایسا ہوتا ہے جب غیرضروری مداخلت کا امکان بھی نہیں ہوتا اور کافی کام آسانی سے کرلیا جاتا ہے۔

انٹرنیٹ کے استعمال کا شیڈول بنانا

اکثر لوگ جب آن لائن ہوتے ہیں تو انہیں وقت گزرنے کا احساس ہی نہیں ہوتا، ان کیلئے کمپیوٹر کے سامنے سے ہٹنا مشکل ہوجاتا ہے۔ تو ضروری ہے کہ آپ انٹرنیٹ کے استعمال کا شیڈول مرتب کریں، یا یہ طے کرلیں کہ ہفتے بھر میںکتنے گھنٹے انٹرنیٹ استعمال کرنا ہے۔

منصوبہ بندی

ہفتے کے آغاز پر شیڈول بنائیں کہ آپ کو کس قسم کی ٹو ڈو لسٹ بنانے کی ضرورت ہے۔ اسی طرح ہر روز کے اختتام پر اگلے دن کی منصوبہ بندی کریں۔

موبائل پر ای میل اور سوشل میڈیا اکاﺅنٹس سے لاگ آﺅٹ ہونا

ہر وقت ان اکاﺅنٹس سے کنکٹ رہنے سے آپ کی توجہ بھٹکتی ہے اور وقت بھی ضائع ہوتا ہے۔ خاص طور پر اس وقت جب آپ کسی ضروری کام میں مصروف ہوتے ہیں۔ تو سوشل میڈیا کے استعمال کا بھی شیڈول مرتب کرنا ضروری ہے۔

توقعات کو قابو میں رکھنا

کیا آپ کی توقعات مناسب ہیں یا نامناسب؟ اس بات کو یقینی بنائیں کہ اپنی حد سے زیادہ کی کوشش مت کریں۔

اپنی سوچ کو تبدیل کریں

میں بہت مصروف ہوں یا میرے پاس کسی کام کیلئے وقت نہیں، منفی جملے ہیں جو آپ کو بے بسی کا احساس دلاتے ہیں۔ آپ اس سے ہٹ کر سوچیں کہ میں اپنے وقت کا اچھا استعمال کروں گا اور میں ایسا کرسکتا ہوں۔

اپنی آوارہ گردی کو فائدہ مند بنانا

مثال کے طور پر اگر آپ کسی سے ملنے کیلئے نواحی علاقے میں جاتے ہیں اور آپ کو یہ بھی معلوم ہے کہ آج آپ گھریلو سودا سلف بھی لانا ہے تو ایک ہی دورے کو دونوں کاموں کیلئے استعمال کرنا سیکھیں۔

اپنا ارگرد صاف اور منظم رکھنا

بکھیری ہوئی میز ہو یا گھر دونوں آپ کی توجہ بھٹکاتے ہیں، چیزوں کو صحیح اور منظم رکھنے سے چیزیں کھونے کا امکان بھی کم ہوتا ہے اور ان کی دیکھ بھال کا وقت بھی مل جاتا ہے۔