• KHI: Fajr 5:04am Sunrise 6:21am
  • LHR: Fajr 4:25am Sunrise 5:48am
  • ISB: Fajr 4:26am Sunrise 5:51am
  • KHI: Fajr 5:04am Sunrise 6:21am
  • LHR: Fajr 4:25am Sunrise 5:48am
  • ISB: Fajr 4:26am Sunrise 5:51am

اسکائپ میں اہم تبدیلیاں متعارف

شائع November 2, 2016
— فوٹو بشکریہ مائیکرو سافٹ
— فوٹو بشکریہ مائیکرو سافٹ

مائیکرو سافٹ نے اینڈرائیڈ اور آئی او ایس صارفین کے لیے اپنی ویڈیو کالنگ ایپ اسکائپ کو ری ڈیزائن کردیا ہے تاکہ موبائل ڈیوائسز پر ان کا استعمال آسان ہوسکے۔

مائیکرو سافٹ نے اس ڈیزائن کو موبائل دوست قرار دیا ہے جس میں کال فونز ٹیب کو ختم کرکے اس کی جگہ کالز کو دی ہے۔

کمپنی کے مطابق وہ اہم کالنگ فیچرز تک ایک کلک کے ذریعے رسائی دے کر ایپ کا استعمال آسان بنا رہی ہے کیونکہ نیا کال ٹیب اسکائپ آڈیو یا ویڈیو کالز تک رسائی دیتا ہے، جبکہ اسکائپ کریڈٹ پر موبائل یا لینڈ لائن نمبرز پر کال کی جاسکتی ہے۔

یہ فیچر سب سے پہلے اینڈرائیڈ صارفین کے لیے متعارف کرایا جائے گا۔

اسی طرح گروپ کالز میں بھی تبدیلی کی گئی ہے اور اب کال کرنے والا ایپ بند کردیتا ہے تو بھی کال منقطع نہیں ہوگی۔

تاہم مائیکرو سافٹ نے وائس میل کے متعدد فیچرز کو ختم کردیا ہے جس کی وجہ وائس میل کا استعمال کم ہونا ہے۔

اس کی جگہ اسکائپ میں صارفین کو ویڈیو یا چیٹ میسج کا آپشن دیا جائے گا جو کہ فی الحال آئی او ایس ڈیوائسز کے لیے جاری کردیا گیا ہے۔

مائیکرو سافٹ کے مطابق فائل شیئرنگ، ویڈیو میسجنگ اور موبائل گروپ ویڈیو کالنگ جیسے فیچرز میں نئی تبدیلیوں سے کافی بہتری آئے گی۔

کارٹون

کارٹون : 3 اپریل 2025
کارٹون : 31 مارچ 2025