پشاور:اسسٹنٹ پروفیسرمنشیات برآمدگی کے بعد گرفتار
خیبرپختونخوا پولیس نے پشاور کی ایک یونیورسٹی کے اسسٹنٹ پروفیسر کی گاڑی سے اسلحہ اور منشیات برآمد ہونے پر گرفتار کرلیا اور جوڈیشل ریمانڈ پر جیل بھیج دیا گیا۔
پولیس کا کہنا تھا کہ اسلامیہ کالج یونیورسٹی پشاور کے اسسٹنٹ پروفیسر بشیرسے ریگی ماڈل ٹاؤن کے چیک پوسٹ پر تلاشی لی گئی تھی۔
پولیس کےمطابق تلاشی کے دوران ان کی گاڑی سے منشیات 20 گرام آئس اور150 گرام چرس برآمد ہوئی۔
اسسٹنٹ پروفیسر کی گاڑی سے پولیس نے دو پستول اور میگزین بھی اپنے قبضے میں لے لی۔
گاڑی کی تلاشی کے بعد انھیں ریگی ماڈل ٹاؤن کے تھانے میں حراست میں رکھا گیا گیا اور ان کے خلاف فرسٹ انفارمیشن رپورٹ (ایف آئی آر) درج کرلی گئی۔
پولیس کا کہنا ہے کہ اسسٹنٹ پروفیسر سے تفتیش جاری ہے تاکہ اس بات کا تعین ہوسکے کہ وہ ان منشیات کے ساتھ کیا کرنے کا ارادہ رکھتے تھے جبکہ برآمد ہونے والے پستول کے لائسنس یافتہ ہیں یا نہیں۔
لائیو ٹی وی