پنجاب کی نگراں حکومت اور تحریک انصاف میں کوئی فرق نہیں،شہباز شریف
پشاور: پاکستان مسلم لیگ(ن) کے صدر میاں شہباز شریف نے کہا ہے کہ پاکستان تحریک انصاف ( پی ٹی آئی ) کے چیئرمین عمران خان جھوٹ بول کر عوام کو گمراہ کرتے ہیں۔
پشاور کے بلور ہاؤس آمد کے موقع پر پریس کانفرنس کرتے ہوئے شہباز شریف کا کہنا تھا کہ پنجاب کی نگراں حکومت اور تحریک انصاف میں کوئی فرق نہیں ہے اور پنجاب کی نگراں حکومت مکمل طور پر پی ٹی آئی کی حمایت کر رہی ہے۔
پاکستان مسلم لیگ(ن) کے صدر کا کہنا تھا کہ ملک کی معیشت کو بڑھانے کے لیے ہماری جماعت نے عظیم کام کیے ہیں اور انشاء اللہ آئندہ انتخابات میں کامیابی حاصل کرکے ہم یہ کام جاری رکھیں گے۔
انہوں نے دعویٰ کیا کہ انشاء اللہ آئندہ انتخابات میں مرکز اور پنجاب میں نہ صرف مسلم لیگ(ن) حکومت بنائے گی بلکہ خیبرپختونخوا میں بھی ان کی حکومت ہوگی اور امیر مقام وزیراعلیٰ ہوں گے۔
لائیو ٹی وی