یاہو انڈیا میں سب سے زیادہ سرچ کی جانے والی شخصیات

---

یاہو انڈیا نے 2018 میں سب سے زیادہ سرچ کی جانے والی شخصیات کی فہرست جاری کی ہے اور اس میں حیران کن طور پر ایک پاکستانی شخصیت بھی شامل ہیں۔

جی ہاں واقعی بھارت میں انٹرنیٹ صارفین پورا سال ایک پاکستانی شخصیت کو سرچ کرتے رہے اور اس کی وجہ بھی کچھ زیادہ حیران کن نہیں۔

اس شخصیت کے بارے میں آپ نیچے فہرست میں جان سکیں گے جو کہ درج ذیل ہے۔

1۔ سنی لیونی

یہ بولی وڈ اسٹار مجموعی طور پر اس فہرست میں پہلے نمبر پر موجود ہیں۔

2۔ سری دیوی

سری دیوی کی اچانک موت نے بھارتی عوام کو چونکا دیا تھا اور یہی وجہ ہے کہ وہ دوسرے نمبر پر ہیں۔

3۔ نریندرا مودی

بھارتی وزیراعظم کا نام اس فہرست میں آنا حیران کن نہیں مگر یہ ضرور حیران کرتا ہے کہ وہ بولی وڈ اسٹارز سے نیچے ہیں۔

4۔ ایم کروناندھی

تامل ناڈو کے کئی بار وزیراعلیٰ رہنے والے کے انتقال نے اس ریاست کے رہنے والوں کو افسردہ کردیا تھا۔

5۔ پریا پرکاش

ایک آنکھ مار کر اسٹار بن جانے والی پریا پرکاش اب فلمی دنیا میں اوپر جانے کی کوشش میں مصروف ہیں۔

6۔ راہول گاندھی

کانگریس پارٹی کے رہنما راہول گاندھی اس فہرست میں چھٹے نمبر پر ہیں۔

7۔ پریانکا چوپڑا

بولی وڈ اور ہولی وڈ دونوں جگہوں پر نام کمانے والی پریانکا چوپڑا کی نک جونس سے شادی نے انہیں اس فہرست میں 7 ویں نمبر پر کھڑا کردیا۔

8۔ اٹل بہاری واجپائی

بھارت کے سابق وزیراعظم اٹل بہاری واجپائی 2018 میں اس دنیا سے چل بسے اور یہی وجہ انہیں اس فہرست میں لے آئی۔

9۔ سلمان خان

بولی وڈ دبنگ خان اس فہرست میں 9 ویں نمبر پر موجود ہیں۔

10۔عمران خان

جی ہاں بھارتی عوام 2018 میں تحریک انصاف کے چیئرمین اور اب وزیراعظم پاکستان کو انٹرنیٹ پر سرچ کرتے رہے۔