پرویز الہٰی کو تھانے میں بند کیا گیا جو ان کے ساتھ زیادتی ہے، وکیل
صدر پاکستان تحریک انصاف (پی ٹی آئی) چوہدری پرویز الہٰی کے وکیل مختار احمد رانجھا نے کہا ہے کہ پرویز الہٰی کو تھانے میں بند کرنا زیادتی ہے، وہ پی ٹی آئی کے صدر ہیں اور پارٹی کے ساتھ کھڑے ہیں۔
گوجرانوالہ میں مختار احمد رانجھا نے میڈیا سے گفتگو کرتے ہوئے کہا کہ پرویز الہٰی کو تھانے میں بند کیا گیا جوکہ زیادتی ہے، وہ سابق وزیر اعلیٰ پنجاب ہیں، ان کے ساتھ شایان شان سلوک ہونا چاہیے تھا۔
انہوں نے کہا کہ نگران حکومت دباؤ ڈال رہی ہے، سپورٹرز کو گرفتار کیا جارہا ہے تاکہ کوئی پیچھے نہ آئے، چوہدری صاحب پی ٹی آئی کے صدر ہیں پارٹی کے ساتھ کھڑے ہیں۔
ان کا کہنا تھا کہ دونوں مقدمات میں الزام ہے کہ چوہدری پرویز الٰہی کے فرنٹ مین نے غیر قانونی ٹھیکے دیے، یہ سب الزامات ہیں ان کے کوئی شواہد موجود نہیں ہیں، سیاسی انتقام کا نشانہ بنانے کے لیے بے بنیاد مقدمات کا اندراج کیا جا رہا ہے
لائیو ٹی وی