• KHI: Fajr 4:22am Sunrise 5:49am
  • LHR: Fajr 3:28am Sunrise 5:05am
  • ISB: Fajr 3:23am Sunrise 5:05am
  • KHI: Fajr 4:22am Sunrise 5:49am
  • LHR: Fajr 3:28am Sunrise 5:05am
  • ISB: Fajr 3:23am Sunrise 5:05am

آزاد امیدواروں سے مل کر حکومت بنانا پسند کریں گے، بلاول بھٹو

شائع January 24, 2024
انہوں نے دعویٰ کیا کہ ان کے پاس مفت بجلی فراہم کرنےکا ٹھوس منصبوبہ موجود ہے۔— فائل فوٹو: ڈان نیوز
انہوں نے دعویٰ کیا کہ ان کے پاس مفت بجلی فراہم کرنےکا ٹھوس منصبوبہ موجود ہے۔— فائل فوٹو: ڈان نیوز

چیئرمین پاکستان پیپلز پارٹی و سابق وزیر خارجہ بلاول بھٹو نے کہا ہے کہ وہ آزاد امیدواروں سے مل کر حکومت بنانا پسند کریں گے۔

برطانوی میڈیا ’رائٹرز‘ کو انٹرویو دیتے ہوئے سابق وزیر خارجہ کا کہنا تھا کہ مسلم لیگ (ن) اور پاکستان تحریک انصاف ایک ہی سکے کے دو رخ ہیں، یہ دونوں جماعتیں اپنی کارکردگی ثابت کرچکی ہیں، ملک میں چہرے بدلتے ہیں لیکن پالیسیاں وہی رہتی ہیں۔

بلاول بھٹو نے بتایا کہ آج ملک بدترین معاشی بحران سے گزر رہا ہے۔

انہوں نے کہا کہ آج جو بھی فیصلے کیے جائیں گے ان کے اثرات نوجوانوں پر پڑیں گے، میرا خیال ہے کہ یہ فیصلے ہمیں لینے چاہیے۔

انتخابات کے حوالے سے گفتگو کرتے ہوئے سابق وزیر کا کہنا تھا کہ پہلی بار اتنی بڑی تعداد میں آزاد امیدوار الیکشن لڑ رہے ہیں، انہوں نے بتایا کہ وہ آزاد امیدواروں سے مل کر حکومت بنانا پسند کریں گے۔

بلاول بھٹو نے کہا کہ معمول کی سیاست پر وقت برباد نہیں کیا جاسکتا، میں پرانی سیاست کی روایت توڑ کر نوجوانوں پر توجہ مرکوز کروں گا۔

انہوں نے دعویٰ کیا کہ ان کے پاس مفت بجلی فراہم کرنےکا ٹھوس منصوبہ موجود ہے۔

کارٹون

کارٹون : 8 جولائی 2024
کارٹون : 7 جولائی 2024