بھارتی ماہی گیروں سے تصادم، میری ٹائم سیکیورٹی ایجنسی کا اہلکار شہید
کھلے سمندر میں میری ٹائم سیکیورٹی ایجنسی اور بھارتی ماہی گیروں کے درمیان تصادم میں ایک اہلکار شہید ہوگیا۔
’ڈان نیوز‘ کی رپورٹ کے مطابق میری ٹائم سیکیورٹی ایجنسی کے مطابق بھارتی ماہی گیروں کی 8 کشتیوں نے پاکستانی حدود کی خلاف ورزی کی۔
بھارتی ماہی گیروں کی ایک کشتی نے فرار ہونے کی کوشش کی جس کے دوران کشتی الٹ گئی، پانچ ماہی گیروں کو بچالیا گیا جب کہ دو لاپتا ہیں۔
لاپتا بھارتی ماہی گیروں کی تلاش کے لیے ریسکیو آپریشن جاری ہے۔
بھارتی ماہی گیروں سے تصادم میں میری ٹائم سیکیورٹی ایجنسی کا ایک اہلکار شہید ہوگیا، شہید جوان کی شناخت محمد ریحان کےنام سے ہوئی۔
لائیو ٹی وی