پنجاب: بہاولنگر کی تحصیل ہارون آباد میں خاتون سے اجتماعی زیادتی، مقدمہ درج
ملک کے سب سے بڑے صوبے پنجاب کے ضلع بہاولنگر کی تحصیل ہارون آباد میں 30 سالہ خاتون سے اجتماعی زیادتی کا مقدمہ درج کر لیا گیا۔
ڈان نیوز کے مطابق ترجمان پولیس نے بتایا کہ ملزم 10 روز قبل خاتون کو شادی کا جھانسہ دے کر اپنےگھر لے گیا تھا۔
پولیس کا کہنا تھا کہ ملزم خاتون کو شادی کا جھانسہ دے کر اپنےگھر لے گیا اور ساتھیوں سمیت ریپ کا نشانہ بنایا۔
ترجمان پولیس نے بتایا کہ متاثرہ خاتون کی مدعیت میں مقدمہ درج کر کے ملزمان کی گرفتاری کے لیے چھاپے مارے جا رہے ہیں۔
فرسٹ انفارمیشن رپورٹ (ایف آئی آر) کے مطابق متاثرہ خاتون کو نشہ آور جوس پلاکر 3 ملزمان نے گینگ ریپ کیا اور حالت غیر ہونے پر ملزمان خاتون کو چھوڑکر فرار ہو گئے۔
لائیو ٹی وی