کوئٹہ: زرغون غر سے اغوا ہونے والے 10 افراد تاحال بازیاب نہ ہوسکے
صوبہ بلوچستان کے دارالحکومت کوئٹہ کے علاقے زرغون غر سے گزشتہ روز اغوا ہونے والے 10 افراد تاحال بازیاب نہ ہوسکے۔
ڈان نیوز کے مطابق کمشنر سبی نے بتایا کہ مغویوں کی بازیابی کے لیےکوششیں جاری ہیں۔
ان کا کہنا تھا کہ مغوی 2 روز قبل پکنک منانے کے لیے گئے تھے۔
واضح رہے کہ گزشتہ روز کوئٹہ کے نواحی علاقے زرغون غر میں شعبان کے مقام واقع پکنک پوائنٹ سے 10 افراد کو اغوا کرلیا گیا تھا۔
لیویز ذرائع نے بتایا کہ مسلح افراد گزشتہ رات 16 افراد کو اپنے ہمراہ لے گئے اور شناختی کارڈ چیک کرنے کے بعد 6 افراد کو چھوڑ دیا۔
لیویز ذرائع نے بتایا کہ مغویوں میں پنجاب کے رہائشی شامل ہیں۔
لائیو ٹی وی