کراچی: قائد آباد میں جرگے کے دوران فائرنگ، ایک شخص جاں بحق، 5 زخمی
کراچی کے علاقے قائدآباد میں 2 گروہوں کے درمیان جاری جرگے میں فائرنگ سے ایک شخص جاں بحق اور 6 افراد زخمی ہوگئے۔
ڈان نیوزکی رپورٹ کے مطابق کراچی پولیس نے بتایا کہ 2 روز قبل 2 برادری کے افراد کے درمیان ہونے والے جھگڑے پر آج جرگہ جاری تھا، ربانی برادری کے افراد پر مخالفین کی مبینہ طور پر فائرنگ سے ایک شخص جاں بحق اور 6 افراد زخمی ہوئے۔
پولیس کے مطابق فائرنگ اور بھگڈر کی سی سی ٹی وی فوٹیج بھی سامنے آگئی، جس میں فائرنگ کے بعد لوگوں کو گلی میں بھاگتے ہوتے ہوئے دیکھا جاسکتا ہے۔
سینئر سپرنٹنڈنٹ پولیس (ایس ایس پی) ملیر کے مطابق شاہ لطیف پولیس نے 7 افراد کو حراست میں لے لیا ہے جن سے تفتیش شروع کردی گئی ہے۔
انہوں نے مزید کہا کہ سی سی ٹی وی فوٹیج کی مدد سے فائرنگ کرنے والوں کو بھی گرفتار کیا جائے گا۔
لائیو ٹی وی