ممبئی: بولی وڈ اداکار پریانکا چوپڑا نے کہا ہے کہ میں چاہتی ہوں کہ میرا جیون ساتھی میرا بہترین دوست ہو۔

ایک پریس کانفرنس میں انہوں نے کہا کہ میرا کبھی کوئی افیئر اس لئے نہیں آیا کہ میں اپنی ذاتی زندگی کے حوالے سے بہت محتاط ہوں، آپ مجھے ایک پرائیویٹ پرسن کہہ سکتے ہیں۔

پریانکا نے کہا کہ میری 90 فیصد زندگی عوام کے سامنے ہے جبکہ 10 فیصد حصہ ایسا ہے جو کہ کسی کے سامنے نہیں ہے۔

انہوں نے کہا کہ میں ایک لڑکی ہوں اور اپنی ذاتی زندگی کو پرسنل رکھنا میرا حق ہے لیکن شادی جب بھی کروں گی سب کو بتاؤں گی۔

اداکار نے کہا کہ میں چاہتی ہوں کہ میرا جیون ساتھی میرا بہترین دوست بھی ہو، جو مجھے سمجھے اور کام کی اجازت دے۔

پریانکا نے کہا کہ وہ ان دنوں اپنی نئی فلم 'میری کوم' کی شوٹنگ میں مصروف ہیں جو باکسر میری کوم کی زندگی کے واقعات پر مبنی فلم ہے تاہم وہ کبھی بھی سپورٹس گرل نہیں رہیں۔