صوبہ خیبر پختونخوا کے دارالحکومت پشاور میں صوبائی اسمبلی کے حلقے پی کے - 69 کے مکینوں نے مسائل حل نہ ہونے پر الیکشن کے بائیکاٹ کا اعلان کردیا۔

علاقے کے لوگوں کی جانب سے حلقے میں الیکشن بائیکاٹ کے بینرز اور گھروں پر سیاہ جھنڈے لگا دیئے گئے۔

گل آباد کے مکینوں نے گھر وں پر احتجاجاً کالے جھنڈے لہرائے ہیں، جن کا کہنا ہے کہ علاقے میں گیس، بجلی، پینے کا صاف پانی، نکاسی اور صحت کی کوئی سہولت میسر نہیں ہے۔

علاقے کے لوگوں نے مطالبہ کیا ہے کہ ان کے مسائل کو حلد حل کیا جائے، ورنہ وہ بائیکاٹ جاری رکھیں گے۔

خیال رہے کہ 5 سال بعد رواں ماہ 25 جولائی کو ملک میں عام انتخابات ہونے جارہے ہیں اور ایسے میں امیدواروں کی انتخابی مہم بھی پورے جوش کیساتھ جاری ہے۔