ملک بھر میں انتخابی میلے سجنے میں ابھی کچھ گھنٹے ہی باقی ہیں اور جوں جوں پولنگ کا وقت قریب آتا جا رہا ہے، اہم شخصیات ووٹ کاسٹ کرنے کے لیے عوام کی حوصلہ افزائی کرتی دکھائی دے رہی ہیں۔

پاکستان کی قومی کرکٹ ٹیم کے سابق کپتان محمد حفیظ نے بھی عام انتخابات کے حوالے سے اپنے ایک مختصر پیغام میں عوام کو 25 جولائی کو ہر حال میں ووٹ کاسٹ کرنے کے لیے کہا۔

ٹوئٹر پر جاری اپنے ویڈیو پیغام میں محمد حفیظ نے عوام کو احساس دلایا کہ ان کا ووٹ پاکستان کی بہتری کے لیے کتنا اہم ہے۔

محمد حفیظ نے اپنے پیغام میں عوام کو گزارش کی کہ وہ 25 جولائی کو ہر حال میں ووٹ کاسٹ کرکے پاکستان کے بہتر مستقبل کے لیے کردار ادا کریں۔

سابق کپتان نے کہا کہ جس بھی شخص کو پاکستان کے بہتر مستقبل کے لیے جو بھی پارٹی اچھی لگتی ہے وہ اسے ہی ووٹ کرے۔