پاکستان پیپلز پارٹی (پی پی پی) کے چیئرمین بلاول بھٹو زرداری نے قومی اسمبلی میں نئے وزیراعظم کے انتخاب کے بعد ایوان میں اپنی زندگی کا پہلا خطاب کیا۔

بلاول بھٹو سے قبل نومنتخب وزیراعظم عمران خان اور پاکستان مسلم لیگ (ن) کے صدر شہباز شریف نے خطاب کیا۔

چیئرمین پی پی پی نے اپنے خطاب کے آغاز میں کہا کہ بڑی جماعتوں نے اسمبلی میں تماشا کیا ہے یہ ناقابل قبول ہے۔

ان کا کہنا تھا کہ اس الیکشن میں قوم کا پیسہ خرچ ہوا اور کئی جانیں گئیں لیکن حکومتی اور اپوزیشن کی بڑی جماعتوں نے نامناسب رویہ اپنایا۔