گلوکارہ میشا شفیع اور موسیقار عبداللہ صدیقی نے کورونا کے باعث جاری لاک ڈاؤن کے دوران اپنے آئی فون سے شوٹ کیا گیا گانا (Magenta Cyan) ریلیز کردیا۔

تقریبا 5 منٹ دورانیے کے انگریزی زبان میں جاری کیے گئے گانے میں وژوئلز کا بھی استعمال کیا گیا ہے جب کہ گانے میں دونوں گلوکار ماڈلنگ بھی کرتے دکھائی دیتے ہیں۔

پی آر چیک باکس میڈیا کے بینر تلے ریلیز کیے گئے گانے کی شاعری بھی عبداللہ صدیقی نے لکھی ہے جب کہ اسے پروڈیوس بھی انہوں نے ہی کیا ہے۔

عبداللہ صدیقی کے کمپوز کردہ گانے کی ہدایات دونوں نے مشترکہ طور پر دی ہیں اور ساتھ ہی دونوں گانے میں دکھائی بھی دیتے ہیں۔

دلچسپ بات یہ ہے کہ گانے کی پوری شوٹنگ آئی فونز کے ذریعے ہی کی گئی اور گانے کو کورونا کی وجہ سے نافذ لاک ڈاؤن ک دوان شوٹ کیا گیا تھا۔

گانے کو 5 ستمبر کو ریلیز کیا گیا تھا، جسے شائقین بے حد پسند کر رہے ہیں۔

میشا شفیع نے بھی انسٹاگرام پر گانے کی مختصر ویڈیو شیئر کرتے ہوئے مداحوں کو بتایا کہ انہوں نے کس طرح گانے کی تیاری میں محنت کی۔