اداکارہ و ماڈل ہانیہ عامر سوشل میڈیا پر مختلف تصاویر اور ویڈیوز شیئر کرتی رہتی ہیں لیکن اب وہ اپنی تاریخ پیدائش غلط لکھنے پر وکی پیڈیا پر برہم ہیں۔

ہانیہ عامر 12 فروری 1997 کو پیدا ہوئی تھیں جس کا مطلب ہے کہ وہ آج 24 سال کی ہوئی ہیں لیکن وکی پیڈیا نے ان کی تاریخ پیدائش 11 فروری تحریر کی ہوئی تھی جسے اب ٹھیک کرلیا گیا ہے۔

اس کے ساتھ ہی وکی پیڈیا نے ہانیہ عامر کے نام میں عامر کی اسپیلنگ میں گڑبڑ کی تھی جسے اب تک ٹھیک نہیں کیا گیا۔

مزید پڑھیں : 'منگنی مبارک ہانیہ' کیوں ٹرینڈ کررہا ہے؟

ہانیہ عامر نے حال ہی میں سوشل میڈیا ایپ انسٹاگرام اسٹوریز میں اس چیز پر ناراضی کا اظہار کیا۔

اداکارہ نے اپنی ویڈیو میں کہا کہ خواتین و حضرات میں ایک مختصر اعلان کرنا چاہ رہی ہوں، میری سالگرہ 12 فروری کو ہوتی ہے 11 کو نہیں، جو وکی پیڈیا کہہ رہا ہے۔

ہانیہ عامر نے کہا کہ وکی پیڈیا پر جس نے بھی میری تاریخ پیدائش غلط لکھی ہے، آپ کو ایک دن اللہ تعالیٰ ضرور پوچھے گا۔

یہ بھی پڑھیں: ہونٹوں کی سرجری سے متعلق ہانیہ عامر کی وضاحت

اداکارہ کا مزید کہنا تھا کہ کوئی بھی 11 فروری کو ان کی سالگرہ کے حوالے سے کوئی بات نہ کرے یا ان کی سرپرائز خراب کرنے کی کوشش کی تو وہ بہت پریشان ہوجائیں گی۔

انہوں نے سب کو یہ بھی باور کروایا کہ ہانیہ عامر کے نام میں 2 اے (Aamir) آتے ہیں جبکہ اسے (Amir) لکھا ہوا ہے۔

تاہم ہانیہ عامر کی ویڈیو کے بعد وکی پیڈیا نے ان کی تاریخ پیدائش تو تبدیل کردی لیکن عامر کی اسپیلنگ درست نہیں کی۔