دنیا کے دیگر حصوں کی طرح پاکستان بھر میں مسیحی برادری نے کرسمس کا تہوار روایتی جوش و جذبے کے ساتھ منایا۔

ملک بھر میں چرچز میں دعائیہ تقریبات ہوئیں، پاکستان کے امن، ترقی اور خوشحالی کے ساتھ ساتھ قدرتی آفات اور بیماریوں سے تمام انسانیت کی حفاظت کے لیے دعائیں کی گئیں۔

سرکاری سطح پر مختلف وزارتوں اور محکموں میں مسیحی عملے اور ان کی کاؤشوں کے اعتراف میں کیک کاٹنے کی تقریبات منعقد ہوئیں۔