اسلام آباد پولیس جیسے ہی پاکستان تحریک انصاف (پی ٹی آئی) چیئرمین عمران خان کو گرفتار کرنے لاہور میں ان کی رہائش گاہ زمان پارک پہنچی تو وہاں پولیس اور پی ٹی آئی کارکنان کے درمیان شدید جھڑپیں ہوئیں۔

پولیس نے صورتحال پر قابو پانے اور کارکنان کو منتشر کرنے کے لیے آنسو گیس اور واٹر کینن کا استعمال کیا جس کے بعد کارکنان کی طرف سے بھی شدید پتھراؤ کیا گیا۔

پولیس اور پی ٹی آئی کارکنان کے درمیان جھڑپوں کے دوران زمان پارک آنے اور جانے والے راستے مکمل طور پر بند کیے گئے۔