لاہور میں موسلادھار بارش کے نتیجے میں ہونے والے مختلف حادثات میں 7 افراد جاں بحق ہوئے جبکہ پنجاب کے شہر لیہ میں بھی ایک شہری جاں بحق ہوا۔

پی ڈی ایم اے کے ترجمان نے بتایا کہ لاہور اور لیہ میں بارش کے دوران ڈوبنے سے 2 اموات رپورٹ ہوئیں، لاہور میں کرنٹ لگنے سے 3 اور بارش کے باعث چھتیں گرنے سے 3 اموات رپورٹ ہوئیں۔

پی ڈی ایم اے کے ڈائریکٹر جنرل عمران قریشی کا کہنا تھا کہ زخمی ہونے والے افراد کو ہسپتالوں میں علاج معالجے کی بہترین سہولیات فراہم کی جا رہی ہیں اور صوبائی کنٹرول روم سے تمام تر صورتحال کی نگرانی بھی جاری ہے۔