متحدہ قومی موومنٹ (ایم کیو ایم) پاکستان کے سینئر ڈپٹی کنوینر ڈاکٹر فاروق ستار نے کہا ہے کہ کاغذات نامزدگی جمع کرانے کے لیے وقت بڑھانے پر ہم الیکشن کمیشن کے مشکور ہیں۔

ڈان نیوز کے مطابق میڈیا سے گفتگو کرتے ہوئے فاروق ستار کا کہنا تھا کہ اس سے انتخابات کے ابتدائی مراحل آسانی سے طے ہوں گے، انہوں نے مطالبہ کیا کہ آئین کے آرٹیکل 218 کے مطابق صاف و شفاف انتخابات کے انعقاد کو یقینی بنایا جائے۔

مزید کے لیے کلک کریں

رہنما ایم کیو ایم نے کہا کہ جو سمجھتا ہے کہ انتخابی عمل میں شفافیت نہیں ہے تو وہ انصاف کا دروازہ کھٹکھٹائے۔

یاد رہے کہ 20 دسمبر کو ایک کیو ایم کے کنوینر خالد مقبول صدیقی نے 2024 کے انتخابات کے لیے کاغذات نامزدگی فارم جمع کروانے کی تاریخ کو بڑھانےکا مطالبہ کیا تھا، الیکشن کمیشن میں ان کی جانب سے دائر کردہ درخواست میں یہ مؤقف اپنایا گیا تھا کہ کاغذات نامزدگی جمع کروانے کے لیے تین دن کا دیا گیا وقت بہت کم ہے۔