عام انتخابات 2024 کے لیے کاغذات نامزدگی جمع کرانے کا وقت ختم ہو گیا ہے اور اسلام آباد کے تین حلقوں سے 167 جبکہ راولپنڈی کے قومی و صوبائی اسمبلی کے حلقوں پر ساڑھے چار سو سے زائد امیدواروں نے کاغذات نامزدگی جمع کرا دیے۔

اسلام آباد کے تین حلقوں کے لیے آخری روز 17 کے قریب کاغذات نامزدگی جمع کرائے گئے۔

ان حلقوں سے انتخابات لڑنے کے لیے تحریک انصاف کے عامر مغل اور بابر اعوان کے بیٹوں جبکہ سردار مصروف نے خود فارم جمع کروائے۔

مزید کے لیے کلک کریں

استحکام پاکستان پارٹی کے ڈاکٹرامجد، مسلم لیگ(ن) کے نور اعوان اور پیپلزپارٹی عمر اعوان نے کاغذات جمع کرائے، اس طرح اسلام آباد کے تین حلقوں سے کل 167 کاغذات جمع کرائے گئے ہیں۔

راولپنڈی کے قومی اسملبی کے حلقوں کے لیے 119 امیدواروں نے کاغذات نامزدگی جمع کروائے جبکہ صوبائی اسمبلی کی نشستوں کے لیے 318 سیاسی جماعتوں کے امیدوارں نے فارم جمع کرائے۔

الیکشن کمیشن کی جانب سے امیدواروں کی فہرست آج جاری کی جائے گی جس کے بعد 25 دسمبر سے 30 دسمبر تک امیدواروں کے اسکروٹنی کا عمل مکمل کیا جائے گا۔

کاغذات نامزدگی کے حوالے سے ریٹرننگ افسران کے فیصلوں کے خلاف اپیلیں 3 جنوری تک دائر کی جاسکیں گی اور اپیلیٹ ٹریبونل میں اپیلیں 10 جنوری تک جمع کروائی جا سکیں گی۔

تمام عمل مکمل ہونے کے بعد 12 جنوری کو امیدواروں کی حتمی فہرست جاری کی جائے گی۔