امیدواروں کو مبینہ ہراساں کرنے کے خلاف پاکستان تحریک انصاف (پی ٹی آئی) وکلا ونگ نے سندھ ہائی کورٹ میں پٹیشن دائر کردی۔

درخواست گزار ظہور محسود نے پٹیشن میں کہا کہ پی ٹی آئی امیدواروں کو الیکشن میں حصہ لینے اور مہم چلانے سے روکا جارہا ہے۔

پی ٹی آئی کے وکلا ونگ کی جانب سے دائر درخواست میں مؤقف اختیار کیا گیا ہے کہ آئین ہر شہری کو انتخابات میں حصہ لینے اور مہم چلانے کا حق دیتا ہے۔

درخواست گزار نے الیکشن کمیشن سمیت متعلقہ اداروں کو آئین پر عمل درآمد کا پابند بنائے جانے کی استدعا کی۔