پاکستان

سیکیورٹی فورسز کا ژوب میں پاک افغان سرحد کے قریب آپریشن، 7 دہشتگرد ہلاک

بلوچستان میں مارے گئے دہشتگرد فورسز کےخلاف کارروائیوں اور معصوم شہریوں کے قتل میں ملوث تھے، اسلحہ اور گولہ بارود بھی برآمد کرلیا گیا، آئی ایس پی آر

بلوچستان کے ضلع ژوب میں پاک افغان سرحد کے قریب سیکیورٹی فورسز نے انٹیلی جنس بنیادوں پر آپریشن کیا جس کے دوران فائرنگ کے تبادلے میں 7 دہشت گرد ہلاک ہوگئے۔

پاک فوج کے شعبہ تعلقات عامہ (آئی ایس پی آر) کی جانب سے جاری بیان میں کہا گیا کہ آپریشن ژوب کے علاقے سمبازا سیکٹر میں کیا گیا، مارے گئے دہشت گرد فورسز کےخلاف دہشت گردی کی کارروائیوں اور معصوم شہریوں کے قتل میں ملوث تھے۔

ترجمان پاک فوج نے کہا کہ مارے گئے دہشت گردوں کے قبضے سے اسلحہ اور گولہ بارود بھی برآمد کرلیا گیا۔

آئی ایس پی آر نے مزید بتایا کہ علاقے میں موجود دیگر دہشتگردوں کے خاتمے کےلئے کلیئرنس آپریشن جاری ہے۔

’لوگوں کو میری چوائس کا پتا ہے‘، شعیب کیساتھ شادی کی افواہوں پر عائشہ عمر کی ویڈیو وائرل

شعیب ملک کا اہم سنگ میل، ٹی 20 کرکٹ میں 13 ہزار رنز بنانے والے پہلے ایشیائی کھلاڑی بن گئے

انتخابی مہم میں مصنوعی ذہانت کا بڑھتا ہوا رجحان