حیدرآباد کے علاقے قاسم آباد میں پسند کی شادی کے تنازع پر ملزم نے کار پر فائرنگ کردی۔

’ڈان نیوز‘ کے مطابق فائرنگ کے نتیجے میں کار میں سوار بہن موقع پر ہی جاں بحق ہوگئی اور بھائی شدید زخمی ہوگیا جسے ہسپتال منتقل کردیا گیا۔

ملزم نے بعدازاں خود کو بھی گولی مار کر زندگی کا خاتمہ کرلیا، پولیس نے لاشیں ہسپتال منتقل کرکے واقعہ کی تحقیقات شروع کردی ہے۔

پولیس کا دعویٰ ہے کہ ملزم نے پسند کی شادی کے تنازع پر فائرنگ کی۔