نوری آباد ایم-9 موٹروے پر تیز رفتار وین ڈرائیور سے بے قابو ہوکر الٹ گئی، حادثے کے نتیجے میں 2 افراد جاں بحق جبکہ ایک خاتون زخمی ہوگئیں۔

’ڈان نیوز‘ کے مطابق پنجاب کے ضلع جہلم کے رہائشی وین میں سوار ہوکر کراچی آرہے تھے، ایم-9 موٹر وے نوری آباد کے قریب وین تیز رفتاری کے باعث ڈرائیور سے بے قابو ہوکر الٹ گئی۔

ریسکیو ٹیموں نے لاشیں اور زخمی خاتون کو ہسپتال منتقل کردیا۔

حادثے میں جاں بحق افراد کی شناخت 47 سالہ محمد غفار اور 42 سالہ جہانگیر کے نام سے ہوئی ہے۔