پنجاب کے ضلع اوکاڑہ میں حویلی لکھا روڑ پر تیز رفتاری کے باعث گاڑی الٹ گئی، جس کے نتیجے میں ایک بچہ جاں بحق جبکہ 3 بچوں سمیت 4 افراد شدید زخمی ہو گئے۔

ڈان نیوز کے مطابق ریسکیو ذرائع نے بتایا کہ زخمیوں کو تحصیل ہیڈکوارٹر (ٹی ایچ کیو) ہسپتال دیپالپور منتقل کر دیا گیا۔

ریسکیو نے بتایا کہ گاڑی بارات سے واپس آتے ہوئے تیز رفتاری سے بےقابو ہوئی، زخمیوں میں 2 بچوں کی حالت تشویشناک ہے، بارات حجرہ شاہ مقیم سے بہاولداس جا رہی تھی۔