بھارت ایک بار پھر کھیل میں سیاست کو لے آیا اور پاکستان کے اسنوکر کھلاڑیوں کو ویزا دینے سے انکار کردیا۔

ڈان نیوز کے مطابق بھارت کے اقدام کے باعث پاکستان کے تین کیوئسٹس احسن رمضان، حسنین اختر اور حمزہ الیاس بنگلورو میں شیڈول ورلڈ انڈر سیونٹین اور انڈر ٹوئنٹی ون چیمپیئن شپ میں شرکت سے محروم ہوگئے۔

پاکستان اسنوکر فیڈریشن نے بھارتی اقدام پر افسوس کا اظہار کیا ہے۔

پاکستان اسنوکر ایسوسی ایشن کا معاملے پر انٹرنیشنل اسنوکر فیڈریشن کے سامنے احتجاج بھی کام نہ آیا۔

اسنوکر چیمپئن شپ آج سے بھارت کے شہر بنگلورو میں شیڈول ہے۔