کراچی میں کتے کے کاٹنے کیسز میں اضافہ ہوگیا، آوارہ کتے کے کاٹنے سے زخمی شخص نجی ہسپتال میں انتقال کرگیا۔

ڈان نیوز کے مطابق 15 روز قبل آورہ کتے نے ایک شخص کو کاٹا تھا اور اسے فوری ویکسین نہیں لگی تھی جب کہ وہ نجی ہسپتال میں زیر علاج تھا، مرنے والے شخص کا تعلق پنوں عاقل سکھر سے ہے۔

سربراہ ڈاگ بائیٹ کلینک آفتاب گوہر کا کہنا ہے کہ آوارہ کتوں کے کاٹنے سے رواں سال 3 اموات ہوچکی ہیں۔

خیال رہے کہ رواں برس اب تک نجی ہسپتال میں کتوں کے کاٹنے کے 3 ہزار کیسز رپورٹ ہوچکے ہیں، سول ہسپتال میں 6 ہزار اور جناح ہسپتال میں 5 ہزار کتوں کے کاٹنے کے کیسز رپورٹ ہوئے ہیں۔