سائنس و ٹیکنالوجی

واٹس ایپ اسٹیٹس پر میوزک شیئر کرنے کا آسان فیچر پیش کرنے کا امکان

فیچر کے تحت صارفین اسپاٹی فائے سے اپنے کسی بھی پسندیدہ گانے کی آڈیو کو واٹس ایپ اسٹیٹس یا اسٹوری پر شیئر کر سکیں گے۔
Welcome

انسٹنٹ میسیجنگ ایپلی کیشن واٹس ایپ کی جانب سے میوزک اسٹریمنگ ویب سائٹ ’اسپاٹی فائے‘ سے براہ راست میوزک شیئر کرنے کے فیچر پر آزمائش کی جا رہی ہے۔

واٹس ایپ اپڈیٹ پر نظر رکھنے والی ویب سائٹ کے مطابق جلد ہی صارفین کو اسپاٹی فائے سے براہ راست میوزک شیئر کرنے کے فیچر تک رسائی دی جائے گی۔

فیچر کے تحت صارفین اسپاٹی فائے سے اپنے کسی بھی پسندیدہ گانے کی آڈیو کو واٹس ایپ اسٹیٹس یا اسٹوری پر شیئر کر سکیں گے۔

فیچر کے تحت صارفین کو اسپاٹی فائے پر شیئرنگ کے آپشن میں براہ راست واٹس ایپ کا آپشن بھی نظر آئے گا۔

اسپاٹی فائے سے براہ راست میوزک شیئر کرنے پر واٹس ایپ اسٹوری میں اسپاٹی فائی کی ویب سائٹ کا لنک میوزک کی صورت میں شیئر ہوجائے گا۔

مذکورہ فیچر بالکل ایسے ہی کام کرے گا، جیسے کسی بھی فیس بک اور انسٹاگرام پوسٹ کو واٹس ایپ اسٹوری میں شیئر کیا جاتا ہے، تاہم اسپاٹی فائے میوزک شیئر کرتے وقت گانے کی اسکرین بھی ںظر آئے گی۔

ابھی مذکورہ فیچر پر آزمائش کی جا رہی ہے، جلد ہی اس کی آزمائش کو بڑھاکر مزید صارفین کو بھی اس تک رسائی دی جائے گی، جس کے بعد اسے آئندہ چند ماہ میں پیش کیے جانے کا امکان ہے۔

واٹس ایپ میسیجز کے ریپلائیز تھریڈ کی صورت میں پیش کرنے کا امکان

واٹس ایپ پر صارفین کو ذاتی اے آئی چیٹ بنانے تک رسائی دیے جانے کا امکان

واٹس ایپ پر وائس نوٹ کو تحریر میں تبدیل کرنے کا طریقہ جان لیں