ممبئی: بولی وڈ کی کامیاب ترین فلموں میں شمار ہونے والی سنجے لیلا بنسالی کی دیوداس کو تھری ڈی میں ڈھالنے کا فیصلہ کیا گیا ہے۔
فلم کے تھری ڈی ورژن پر کام کرنے والی ٹیم کے اہم رکن سنیل لولا کا کہنا ہے کہ دیوداس اس سال اپنی ایک دہا ئی مکمل کر لے گی اور ہم اسی سال فلم کا نیا ورژن تیار کرلیں گے۔
پچاس کروڑ کی لاگت سے بننے والی اس فلم نے پانچ نیشنل اور دس فلم فیئر ایوارڈز حاصل کیئے ہیں۔
اس فلم کو دو ہزار تین میں آسکر ایوارڈز کی بہترین غیر ملکی فلموں کی کیٹیگری کیلئے بھی نامزد کیا گیا تھا۔
