اسلام آباد: پاکستان میں امریکی سفیر کیمرون منٹر نے اپنے سفارتی عہدے سے قبل از وقت سبکدوشی کا ذمہ دار پاکستانی میڈیا کو قرار دیا ہے۔

ایک تقریب کے بعد میڈیا سے گفتگو کرتے ہوئے انہوں نے کہا کہ امریکی سفارت کاری کیلیے پاکستان انتہائی مشکل ملک ہے۔

ان کے مطابق وہ یہاں اپنی تین سالہ مدت پوری کرنا چاہتے تھے لیکن پاکستان میں تیز رفتار میڈیا نے بہت تھکا دیا ہے۔

منٹر کے شکوہ کیا کہ پاکستان میں آف دی ریکارڈ گفتگو بھی نشر کردی جاتی ہیں۔

واضح رہے کہ وہ جولائی میں سفارتکاری چھوڑ کر وطن واپس چلے جائیں گے۔

منٹرکی اہلیہ میریلین وائٹ نے بھی پاکستان میں اپنے شوہر کی تعیناتی کو ذاتی زندگی کیلیے مشکل قرار دیا۔

میریلین کا کہناتھا کہ یہاں آنے سے قبل وہ ان کا بہت خیال رکھتے تھے ،وہ یہاں دو سال سے کام کررہے ہیں اوراس دوران انہوں نے آپس میں بہت کم وقت اکٹھا گزارا۔