متحدہ کا الٹی میٹم ختم۔ رحمان ملک کراچی پہنچ گئے
کراچی: متحدہ قومی موومنٹ کی جانب سےلاپتہ کارکنوں کی بازیابی کے لیے دیاگیا الٹی میٹم آج ختم ہوجائے گا، ایم کیو ایم کا کہنا ہے کہ اب تک سندھ حکومت کی جانب سے اس سلسلے میں کوئی اقدامات نہیں کیے گئے ہیں۔
ڈان نیوز ٹی وی کی رپورٹ کے مطابق صورتحال مزید بگڑنے سے بچانے کے لیے رحمان ملک کراچی پہنچ گئے ہیں۔ متحدہ کے تحفظات دور کرنے کے لیے وہ آج وزیراعلٰی سندھ کے ہمراہ نائن زیروجائیں گے۔
یاد رہے کہ متحدہ قومی موومنٹ نے اپنے لاپتہ کارکنوں کی بازیابی کےلیے دودن پہلے حکومت کو بہترگھنٹوں کا الٹی میٹم دیا تھا، جس کی مدت آج شام میں ختم ہو رہی ہے۔
دودن تک تو حکومت نے اس سلسلے میں متحدہ سے کوئی رابطہ نہیں کیا تھا۔ چنانچہ تومعاملے کی نزاکت کو سمجھتے ہوئے رحمان ملک کراچی پہنچ گئے ہیں، ان کا کہنا تھا کہ وہ دکھ کی اس گھڑی میں متحدہ کے ساتھ ہیں۔
خدشہ ہے کہ الٹی میٹم کے خاتمے کے بعد متحدہ کارکنوں کی بازیابی کےلیے سڑکوں پر احتجاج کا فیصلہ بھی کرسکتی ہے۔
لائیو ٹی وی