چیمپیئنز ٹرافی کے آٹھ میچوں کے تمام ٹکٹ فروخت
چیمپیئنز ٹرافی کے آغاز میں ابھی 20 دن کا وقفہ ہے لیکن ایونٹ کے آغاز سے قبل ہی اس کا جادو سر چڑھ کر بولنے لگا ہے اور روایتی حریفوں پاکستان، انڈیا اور آسٹریلیا، انگلینڈ کے درمیان میچوں کے تمام ٹکٹ فروخت ہو چکے ہیں۔
چیمپیئنز ٹرافی 2017 یکم جون سے 18 جون تک انگلینڈ اینڈ ویلز میں کھیلی جائے گی جہاں چار جون کو روایتی حریفوں پاکستاناور انگلینڈ کے درمیان میچ کھیلا جائے گا جس کے تمام ٹکٹ پہلے ہی فروخت ہو چکے ہیں۔
آئی سی سی کی جانب سے بیان میں کہا گیا کہ انڈیا کے میچوں کے تمام اور انگلینڈ کے اک میچ کے ٹکٹ فروخت ہو چکے ہیں اور گزشتہ ایک ہفتے کے دوران 15ہزار ٹکٹ فروخت ہوئے۔
کھیل کی عالمی گورننگ باڈی نے بتایا کہ 15 میں سے آٹھ مچیوں کے تمام ٹکٹ بک چکے ہیں اور اس موقع پر ہی 2013 کے ایڈیشن کے مقابلے زیادہ ٹکٹ فروخت ہوچکے ہیں۔
بیان میں کہا گیا کہ ممکنہ طور پر سب سے زیادہ مانگ ہندوستان اور پاکستان، انگلینڈ اور آسٹریلیا اور اوول میں 18 جون کو ہونے والے فائنل میچ کی ہے۔
لائیو ٹی وی