اے آر رحمٰن کی خوبصورت آواز میں ’موم‘ کا نیا گانا
بولی وڈ اداکارہ سری دیوی کی فلم میں ویسے ہی بولی وڈ اور پاکستانی انٹرٹینمنٹ انڈسٹری کے نامور ستارے موجود ہیں اور اب ہندوستان کے کامیاب موسیقات اور آسکر ایوارڈ یافتہ اے آر رحمٰن بھی اس فلم کی موسیقی کا حصہ بن گئے۔
اے آر رحمٰن نے فلم ’موم‘ کے لیے ایک خوبصورت گانا ’او سونا تیرے لیے‘ ریکارڈ کیا جسے ریلیز کردیا گیا ہے۔
اس گانے کی ویڈیو میں سری دیوی اور سجل علی کے رشتے کو پیش کیا گیا جو اس فلم میں والدہ اور بیٹی کا کردار ادا کریں گی۔
سجل علی اور سری دیوی کے علاوہ اس گانے میں عدنان صدیقی بھی نظر آئے جو اس فلم میں سجل علی کے والد بنے ہیں۔
خیال رہے کہ فلم ’موم‘ میں بولی وڈ اداکار نوازالدین صدیقی اور اکشے کمار بھی اہم کردار ادا کرتے نظر آئیں گے۔
فلم ’موم‘ رواں سال 7 جولائی کو سینما گھروں میں نمائش کے لیے پیش کی جائے گی۔
لائیو ٹی وی