ای سی پی حکام نے قبائلی عمائدین کو منالیا، خواتین کو ووٹ ڈالنے کی اجازت
نوشہرہ میں خواتین کو ووٹ ڈالنے سے محروم رکھنے کی اطلاعات پر الیکشن کمیشن کی بروقت کوششیں رنگ لے آئیں اور انہیں ووٹ ڈالنے کی اجازت دے دی گئی۔
ضمنی انتخاب کے دوران اطلاعات موصول ہوئیں تھیں کہ خیبرپختونخوا کے ضلع نوشہرہ کے علاقے زڑہ میانہ میں خواتین ووٹر کو ووٹ پول کرنے سے روک دیا گیا تھا۔
ڈسٹرکٹ ریٹرننگ افسر نوشہرہ کا کہنا ہے کہ الیکشن کمیشن حکام اور مقامی عمائدین کے درمیان جرگہ ہوا جس میں عمائدین نے یقین دہانی کروائی ہے کہ خواتین ووٹ کاسٹ کریں گی۔
ڈسٹرکٹ ریٹرننگ افسر نے بتایا کہ صبح سے خواتین اس علاقے میں ووٹ ڈالنے کے لیے نہیں آئیں، جبکہ انہوں نے 2013 اور 2018 کے الیکشن کے دوران بھی اپنا ووٹ کاسٹ نہیں کیا تھا۔
متعلقہ خبر:
لائیو ٹی وی