گنگارام ہسپتال کوروناوائرس کی شکارحاملہ خواتین مریضوں کیلئے مختص
ترجمان محکمہ صحت پنجاب نے بتایا کہ پنجاب کی وزیر صحت ڈاکٹریاسمین راشدنے گنگارام ہسپتال کوکوروناوائرس کی شکارحاملہ خواتین مریضوں کے لیے مختص کردیا۔
صوبائی وزیرنے یہ فیصلہ فاطمہ جناح میڈیکل یونیورسٹی میں اہم اجلاس کی صدارت کرتے ہوئے کیا۔
اس موقع پر وائس چانسلرپروفیسرعامرزمان خان، ایم ایس گنگارام ہسپتال ڈاکٹراحتشام اورفیکلٹی ممبران نے شرکت کی۔
وائس چانسلر پروفیسر عامر زمان خان نے صوبائی وزیر صحت کو گنگارام ہسپتال میں کوروناوائرس کی شکار حاملہ خاتون مریضوں کے لیے فراہم کی گئیں طبی سہولیات اور ڈاکٹرز کے ڈیوٹی روسٹرم کے بارے میں تفصیلات سے آگاہ کیا۔
لائیو ٹی وی