زی ٹی ای کا کم قیمت اسمارٹ فون بلیڈ اے 71
چینی کمپنی زی ٹی ای نے ایک مڈرینیج اسمارٹ فون بلیڈ اے 71 متعارف کرا دیا ہے۔
کمپنی کا کہنا ہے کہ یہ مناسب قیمت میں بہترین فیچرز سے لیس فون ہے اور اسے سب سے پہلے ملائیشیا میں فروخت کے لیے پیش کیا گیا ہے۔
زی ٹی ای بلیڈ اے 71 میں 6.52 انچ کا ایل سی ڈی ڈسپلے ایچ ڈی پلس ریزولوشن کے ساتھ دیا گیا ہے۔
ڈسپلے میں واٹر ڈراپ نوچ میں 8 میگا پکسل سیلفی کیمرا چھپا ہوا ہے۔
فون میں 3 جی بی ریم اور 64 جی بی اسٹوریج دی گئی ہے اور اسٹوریج میں مائیکرو ایس ڈی کارڈ سے 512 جی بی تک اضافہ کیا جاسکتا ہے۔
یہ 4000 ایم اے ایچ بیٹری سے لیس فون ہے مگر فاسٹ چارجنگ سپورٹ موجود نہیں۔
ہیڈ فون جیک، وی او ایل ٹی ای، وائی فائی، جی پی ایس اور این ایف سی ادیگر نمایاں فیچرز ہیں جبکہ اینڈرائیڈ 11 آپریٹنگ سسٹم فون کا حصہ ہے۔
فون کے بیک پر 3 کیمروں کا سیٹ اپ موجود ہے جس کا مین کیمرا 16 میگا پکسل کا ہے جس کے ساتھ 8 میگا پکسل الٹرا وائیڈ اور 2 میگا پکسل ڈیپتھ سنسر کیمرے موجود ہیں۔
یہ فون 3 مختلف رنگوں گرین، بلیو اور بلیک میں دستیاب ہوگا اور اس کی قیمت 119 ڈالرز (20 ہزار پاکستانی روپے سے زائد) رکھی گئی ہے۔
لائیو ٹی وی