مولانا فضل الرحمٰن دورہ افغانستان کیلئے آج کابل روانہ ہوں گے
سربراہ جمعیت علمائے اسلام (ف) مولانا فضل الرحمٰن آج دورہ افغانستان کے لیے کابل روانہ ہوں گے۔
’ڈان نیوز‘ کے مطابق مولانا فضل الرحمٰن کا کہنا ہے کہ دورہ کابل کے دوران پاک افغان تعلقات پر تبادلہ خیال اور افغان حکام سے کالعدم ٹی ٹی پی سمیت دیگر امور پر بات چیت کی جائے گی۔
مولانا فضل الرحمٰن کا کہنا ہے کہ انہیں دورہ افغانستان کے لیے حکومتِ پاکستان کا مکمل مینڈیٹ حاصل ہے۔
کالعدم ٹی ٹی پی کا معاملہ افغان حکومت کے سامنے اٹھانے کے سوال پر مولانا فضل الرحمٰن نے کہا کہ ہاں اس بات کا امکان ہے، ہم اپنے تعلقات کو خیر سگالی کے لیے استعمال کریں گے۔
واضح رہے کہ مولانا فضل الرحمٰن کو افغانستان کے سپریم لیڈر ہیبت اللہ اخوندزادہ نے دورے کی دعوت دی ہے۔
لائیو ٹی وی