بلوچستان عوامی پارٹی کے صدر خالد مگسی کی گاڑی پر فائرنگ
رکن قومی اسمبلی اور بلوچستان عوامی پارٹی(باپ) کے صدر خالد مگسی پر بلوچستان کے علاقے نوتال کے قریب فائرنگ کی گئی ہے تاہم وہ حملے میں معجزانہ طور پر محفوظ رہے۔
ڈان نیوز کے مطابق ایم این اے خالد مگسی کی گاڑی پر نوتال کے قریب فائرنگ کی گئی جس میں وہ خوش قسمتی سے بچ گئے۔
ڈپٹی کمشنر سبی جہانزیب شیخ نے ڈان ڈاٹ کو بتایا کہ کچھی کے علاقے سے راہزنوں کی جانب سے نوتال کے مقام پر قومی شاہراہ سے گزرے والی گاڑیوں کو روک کے ساتھ لوٹ مار کی جاتا ہے۔
انہوں نے کہا کہ آج بھی راہزنوں کی جانب سے ایک مسافر وین کو لوٹنے کی کوشش کی گئی تاہم لیویز اہلکاروں نے موقع پر پہنچ کر راہزنوں کی کوشش ناکام بنا دی اور 3 موٹرسائیکلوں پر سوار 6 ملزمان فرار ہو گئے لیکن لیویز حکام نے ملزمان کا تعاقب کیا اور اس دوران فائرنگ کا تبادلہ ہوا۔
ڈپٹی کمشنر نے بتایا کہ فائرنگ کے تبادلے کے دوران ہی رکن قومی رکن نوابزادہ خالد خان مگسی کا قافلہ گزر رہا تھا تاہم ملزمان نے رکن قومی اسمبلی خالد مگسی کے قافلے کو لیویز فورس کا قافلہ سمجھ کر اس فائرنگ کی۔
ان کا کہنا تھا کہ فائرنگ میں رکن قومی اسمبلی محفوظ رہے لیکن خالد مگسی کے محافظوں کی جانب سے جوابی فائرنگ کے بعد حملہ آور فرار ہو گئے۔
ڈپٹی کمشنر نے بتایا کہ ملزمان کا تعاقب جاری ہے اور لیویز کی مزید نفری طلب کی گئی ہے۔
نوابزادہ خالد مگسی باپ پارٹی کے مرکزی صدر اور رکن قومی اسمبلی ہیں۔
لائیو ٹی وی